Кўпгина ноутбук фойдаланувчилари диванда ўтириб, экран олдида вақт ўтказишади. Лекин мутахассислар ноутбукни тиззага қўймаслик кераклигини айтишди.
Агар ноутбук тизза ёки бошқа юмшоқ юзага қўйилса, процессорни совитиш учун мўлжалланган шамоллатиш тешиклари блокланиши мумкин. Бу ноутбукнинг ишлаш муддатини қисқартиради.
Бундан ташқари, ноутбукни мунтазам тозалаш унинг ишлаш муддатини узайтиришга ёрдам беради. Ноутбукнинг сиртини ҳар ой чангютгич, махсус суюқлик ва чўтка билан тозалаш тавсия этилади. Йилига бир марта, қурилмани қисмларга ажратиш ва уни чангдан тозалаш керак.
Батареянинг ишлаш муддатини узайтириш учун қувватни 20 дан 80 фоизгача ушлаб туринг ва ноутбукни электр тармоғига уланган ҳолда қолдирманг.
