Қашқадарё вилоятининг Қарши шаҳрида шатакка олиб кетилаётган Лабо русумли автомобиль ёниб кетди. Бу ҳақда вилоят ФВБ матбуот хизмати xабар берди.
Малум қилинишича, 15 апрель куни соат 12:03 ларда Қарши шаҳар “Худойзод” МФЙ, Тафаккур кўчасида Лабо автомобилининг ёнаётгани тўғрисида ФВБга хабар келиб тушган. Воқеа жойига ёнғин-қутқарув бўлинмаси соат 12:11 да етиб борган ва ёнғин тўлиқ соат 12:17 да ўчирган.
Аниқланишича, Самарқанд вилояти Тойлоқ туманида яшовчи фуқаро S.B.ga тегишли оқ рангли Лабо шатакка олиб кетилаётган бўлган.
Ёнғин электр симларининг қисқа туташуви сабабли юзага келгани таҳмин қилинмоқда.
Ёнғиндан тан жароҳати олганлар йўқ.
