Лондон фонд биржасида шакар нархи кескин кўтарила бошлади. Бу тўғридан-тўғри фючерс нархига боғлиқ. Натижада бир тонна учун 700 доллардан ошди. Бу 12 йил учун максимал кўрсаткич.

“Европа ҳам, Америкада ҳам маҳаллий бозорни тўлдириш учун етарлича ишлаб чиқариш ҳажми йўқ, шунинг учун импортга боғлиқлик жуда муҳим, яъни режалаштирилган ҳажмлардан келиб чиқиб етказиб берилмагани ҳақидаги баъзи янгиликлар дарҳол нархларнинг ошишига олиб келади”, – дея тушунтирди Россия Иқтисодиёт университетининг молиявий менежмент кафедраси мудири Плеханов Константин Ордов.

Европа мамлакатларига шакар Бразилиядан келтирилади. Йилига 37 миллион тоннадан ортиқ маҳсулот ишлаб чиқарилади. Иккинчи ўринда Ҳиндистон. Таиланд шакар плантацияларига ҳам бой бўлиб, у ерда 10 миллион тонна ишлаб чиқарилади.

Дунёда ишлаб чиқарилган шакарнинг қарийб 80% шакар қамишидан олинади. Ва фақат 20% – қанд лавлагидан. Қамишнинг нархи лавлагидан анча арзон.

Шакар нархининг ошишига асосий сабаб етказиб беришнинг қисқаришидир. Ҳиндистон ички нархларнинг ошиши сабабли товар экспортини чеклашга қарор қилди. Бундан ташқари, нефть нархининг ошиши туфайли Ҳиндистон заводлари этанол ишлаб чиқаришга кўпроқ қамиш хомашёсини жўнатишни бошладилар. Ҳиндистон учун ёқилғи ишлаб чиқариш энди фойдалироқ. Бензин нархининг кўтарилиши туфайли Бразилиядан етказиб бериш қисқарди. 

“Ҳиндистонда қайта ишлаш ҳажми кутилган ҳажмларга мос келмайди. Бразилияда ҳам муайян муаммолар мавжуд. Ва бу шакарнинг асосий ишлаб чиқарувчилари. Ва логистика нуқтаи назаридан, бу занжирларнинг барчаси дунёдаги ҳамма нарса учун этарли эмас. Шакар маҳаллий даражада танқис бўлган ўзига хос товарга айланиб бормоқда”, — деди Константин Ордов.

Шакар нархининг ошиши муносабати билан таҳлилчилар унинг камомадини башорат қилмоқдалар. Бу эса бошқа маҳсулотлар нархининг ошишига олиб келади.

Чунки шакар нафақат қандолатчиликда, балки гўштни консервалашда, терини тайёрлашда, тамаки саноатида, фармацевтика ва пластмасса ишлаб чиқаришда ҳам қўлланилади.