Дунёда “омикрон” штаммининг янги — XBB.1.16 субварианти кенг тарқалиши мумкин. Жаҳон соғлиқни сақлаш ташкилотининг CОVID-19 бўйича техник раҳбари Мария Ван Керхове ҳозиргача мазкур мутация 22 мамлакатда аниқланганини маълум қилди. Бу ҳақда ССВ Матбуот хизмати хабар бермоқда.
Жумладан, Ҳиндистонда бир неча ой ичида янги вариант доминант версияга айланди. Қолаверса, у Осиё ва Европа Иттифоқининг қатор давлатлари, Буюк Британия ҳамда Австралияда ҳам рўйхатга олинди.
Лаборатория тадқиқотларидан сўнг ХBB.1.16 “кракен” деб аталган ХBB.1.5 версиясидан ҳам юқумлироқ, деган хулосага келинди.
Айни сабабдан экспертлар касалликни жиловлашнинг энг тўғри ва самарали йўли тўлиқ босқичда ҳамда бустер дозада эмланиш, деб таъкидламоқда.
