Ижтимоий тармоқларда Ташқи меҳнат миграцияси агентлиги раҳбари Афзал Эрматов қамоққа олингани ҳақида хабарлар тарқалди. QALAMPIR.UZ мазкур маълумотга аниқлик киритиш мақсадида Агентлик матбуот котиби Ортиқхўжа Норов билан боғланди.
Норов бу бўйича маълумот бера олмаслигини, раҳбарининг ишдан бўшатилгани ҳақида ҳеч қандай буйруқ келмаганини маълум қилди. Шунингдек, Норов Афзал Эрматов ишга келаётгани ҳақидаги саволимизни ҳам очиқ қолдирди. Бироқ бошқа манбаларда Эрматов январдан буён ишга келмаётгани агентлик томонидан тасдиқлангани айтилмоқда.
Бундан ташқари, QALAMPIR.UZ Бош прокуратура матбуот котиби Ҳаёт Шамсутдиновга ҳам ушбу хабарга ойдинлик киритиш мақсадида алоқага чиқди. У ҳам мазкур ахборот бўйича ҳеч қандай маълумотга эга эмаслигини айтди.
“Прокуратура органларининг иш юритувида Ташқи меҳнат миграцияси агентлиги билан боғлик жиноят иши мавжуд эмас”, дейди у.
“Аsia-Plus” нашрига кўра, Ўзбекистон Давлат хавфсизлик хизмати Ташқи меҳнат миграцияси агентлигининг мансабдор шахсларига нисбатан қўзғатилган жиноят иши доирасида бошқарма фаолиятини текширмоқда.
Нашрга ошкор қилинган тергов ҳужжатларига кўра, Ўзбекистон Ташқи меҳнат миграцияси агентлиги мансабдор шахсларига нисбатан Жиноят кодексининг 205-моддаси (Ҳокимият ёки мансаб ваколатларини суиистеъмол қилиш) билан жиноят иши қўзғатилган.
Жорий йилнинг 2 январь куни агентликнинг камида уч ходими, жумладан, агентлик раҳбари Афзал Эрматов сўроққа чақирилган. Сўроқ қилинганларнинг айримларига нисбатан эҳтиёт чоралари кўрилгани билдирилмоқда.
Ташқи меҳнат миграцияси агентлигининг исми ошкор қилинмаган ходимларидан бирининг нашрга айтишича, 3 январь куни Давлат хавфсизлик хизмати агентлик биноларида тинтув ўтказган.
Ходимнинг сўзларига кўра, бошқарма бошлиғи Афзал Эрматов 2 январдан бери иш жойига келмаган, унинг ҳибсга олингани ҳақида хабарлар бор.
Нашр ўзидаги маълумотларга асосланиб, хабар беришича, ушбу жиноий ишга Жанубий Кореяга юборилаётган мигрантлар билан боғлиқ коррупцион ҳолатлар сабаб бўлган.
Хўш, энг коррупциялашган агентлик дея талқин этилган ташкилот раҳбарларининг ноқонуний ҳаракатлари қандай?
Ҳар йили минглаб ўзбекистонликлар Жанубий Кореяга ишлаш учун боради. Маҳаллий кузатувчилар Бандлик ва меҳнат муносабатлари вазирлиги назорати остидаги жараён жуда коррупциялашган ва ҳатто жиноий жавобгарликка тортилганини айтади.
Ўзбекистон матбуотида Кореяга ишга юбориш учун одамлардан пора олган шахслар, бандлик хизмати ходимларига нисбатан ўнлаб жиноий иш қўзғатилгани ҳақида хабар берилган.
Икки йил аввал Олий Мажлис депутатларидан бири бошқарма раҳбарларини коррупцияда айблаган эди.
“Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги энг коррупциялашган идора. Агентлик раҳбарлари ҳам порахўр. Мен шу агентлик орқали хорижга чиқаётган мигрантлар ҳақида гапирмоқчиман. Бу агентлик мигрантларни тарк этишдан миллионлаб пул ундирмоқда”, деганди депутат Боймурод Юсупов.
Бу Ўзбекистон Ташқи меҳнат миграцияси масалалари агентлигига қарши тергов ҳаракатларининг биринчи ҳолати эмас. Тўрт йил аввал бошқарма бошлиқлари узоқ муддатга қамалган эди. 2018 йилнинг ноябрь ойида бошқарма бошлиқлари йирик миқдорда пора олганликда айбланиб, қўлга олингани хабар қилинган эди.
Айрим манбалар Миграция агентлигининг 20 га яқин ходими Жанубий Кореяга ишлаш учун кетаётган одамлардан 20 миллион доллар пора олганликда гумон қилинганини ёзган эди. Кейинроқ Бош прокуратура бу хабарни тасдиқлаган.
Ташқи меҳнат миграцияси агентлигининг собиқ раҳбари Равшан Иброҳимов 12 йилга озодликдан маҳрум этилган. Бошқарма бошлиғи ўринбосари лавозимида ишлаб келган Улуғбек Назаров ҳам 12 йилга озодликдан маҳрум этилган.
Ташқи миграция агентлиги орқали Жанубий Кореяга ишлаш учун квоталар йилига 5000 кишини ташкил этади, Кореяга бориш учун ариза берувчилар сони эса 100 мингдан ортиқ. Танлов жараёни шаффоф эмаслиги абитуриентлар орасида бир неча бор танқидларга сабаб бўлган.
“Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги энг коррупциялашган идора. Агентлик раҳбарлари ҳам порахўр. Мен шу агентлик орқали хорижга чиқаётган мигрантлар ҳақида гапирмоқчиман. Бу агентлик мигрантларни тарк этишдан миллионлаб пул ундирмоқда”, деганди депутат Боймурод Юсупов.
Бу Ўзбекистон Ташқи меҳнат миграцияси масалалари агентлигига қарши тергов ҳаракатларининг биринчи ҳолати эмас. Тўрт йил аввал бошқарма бошлиқлари узоқ муддатга қамалган эди. 2018 йилнинг ноябрь ойида бошқарма бошлиқлари йирик миқдорда пора олганликда айбланиб, қўлга олингани хабар қилинган эди.
Айрим манбалар Миграция агентлигининг 20 га яқин ходими Жанубий Кореяга ишлаш учун кетаётган одамлардан 20 миллион доллар пора олганликда гумон қилинганини ёзган эди. Кейинроқ Бош прокуратура бу хабарни тасдиқлаган.
Ташқи меҳнат миграцияси агентлигининг собиқ раҳбари Равшан Иброҳимов 12 йилга озодликдан маҳрум этилган. Бошқарма бошлиғи ўринбосари лавозимида ишлаб келган Улуғбек Назаров ҳам 12 йилга озодликдан маҳрум этилган.
Ташқи миграция агентлиги орқали Жанубий Кореяга ишлаш учун квоталар йилига 5000 кишини ташкил этади, Кореяга бориш учун ариза берувчилар сони эса 100 мингдан ортиқ. Танлов жараёни шаффоф эмаслиги абитуриентлар орасида бир неча бор танқидларга сабаб бўлган.
