Буюк Британия икки йил ичида мудофаа бюджетини 5 миллиард фунт стерлингга оширади, дея хабар беради BBC агентлиги.

Душанба куни эълон қилинадиган янги хавфсизлик стратегиясида Британиянинг мудофаа бюджети ортади. Бу ҳақдаги маълумотни Буюк Британия бош вазири Риши Сунак Калифорнияда АҚШ президенти Жо Байден ва Австрия бош вазири Энтони Албанезе билан учрашишдан олдин тасдиқлаган.

Ушбу йиғилиш Ҳиндистон-Тинч океани минтақасида мудофаани таъминлаш учун 2021 йилда ташкил этилган AUKUS (Австралия, Буюк Британия, АҚШ) мудофаа альянси доирасида Австралиянинг ядровий сув ости кемасини етказиб беришни мувофиқлаштириш режалаштирилган. Австралия АҚШ, Буюк Британия, Франция, Хитой, Ҳиндистон ва Россиядан кейин атом сув ости кемаларидан фойдаланадиган еттинчи давлатга айланади.

Британия AUKUSни қўллаб-қувватлаш ва сув ости кемаларини ишлаб чиқаришни яхшилаш учун 3 миллиард фунт стерлинг сарфлашни режалаштирмоқда.