Аргентина терма жамоасини бошқараётган Лионел Скалони Халқаро футбол федерацияси (ФИФА) томонидан 2022 йилнинг энг яхши мураббийи деб топилди. Маросим душанба куни Парижда бўлиб ўтган, Бу ҳақда “Тренд” ТАСС агентлигига таяниб хабар берди .
Кучли учликка Испаниянинг “Реал” клубининг италиялик мураббийи Карло Анчелотти ва Англиянинг “Манчестер Сити” клубининг испаниялик мураббийи Хосеп Гвардиола ҳам кирди. Скалонига мукофотни Россия терма жамоасининг собиқ бош мураббийи, италиялик Фабио Капелло топширди.
Аргентина терма жамоаси Скалони бошчилигида 2022 йилда 1986 йилдан бери илк бор жаҳон чемпиони бўлди. 44 ёшли мутахассис Қатардаги жаҳон чемпионатида энг ёш мураббий бўлди. У Аргентина терма жамоасини 2018 йилдан буён бошқариб келмоқда ва 2021 йилда Америка Кубогидаги ғалабага эришди. Аввалроқ Скалони Аргентина терма жамоаси ва Испаниянинг “Севиля” клубида ёрдамчи мураббий бўлиб ишлаган.
