Журналистлар Microsoft асосчиси Билл Гейтсдан интервью олиб, «Илон Маскнинг Марсга учишга сармоя киритаётгани тўғрими?» деб сўрашди. «Йўқ», деди Гейтс дарҳол.
Унинг айтишича, Марсга парвоз қимматга тушади, натижаси эса номаълум. Шунинг учун Илон Маскка «Ундан кўра шу маблағни вакциналар ишлаб чиқаришга сарфла. Масалан, минг долларга қизамиққа қарши вакцина сотиб олиб, одамлар ҳаётини сақлаб қолиш мумкин», деб маслаҳат берди.
Илон Маск шундоғам инсоният учун кўплаб фойдали ишлар қилаётганини Билл Гейтс тан олди ва Tesla компанияси фаолиятидан мисол келтирди. Лекин бундан олдинги интервьюсида Илон Маскнинг Twitter компаниясидаги бошқарувини танқид қилган эди.
