Европа Иттифоқи Россиядан яширин равишда ядро энергиясини импорт қилмоқда, Москва билан бундай ҳамкорлик Брюссель учун «мутлақо жиннилик», деди Ариадна Родриго, Greenpeace экологик гуруҳининг барқарор молия бўйича менежери CNBCга.
Унинг фикрича, Европа Иттифоқи ядровий ёқилғидан воз кечиш масаласини тўғри муҳокама қилмаяпти ва шу билан ўзининг иккиюзламачилик ва икки томонлама стандартларини кўрсатмоқда, деб ёзади «PolitRussia» Америка телеканалига таяниб.
Таъкидланишича, айни пайтда Европада Финляндия, Словакия, Венгрия, Болгария ва Чехияда жойлашган 18 та Россия ядро реакторлари мавжуд. Бу реакторларнинг барчаси «Росатом»нинг хизматлари ва ресурсларига боғлиқ ва Венгрия ҳатто Россия компанияси билан иккита янги ядровий реактор қуришни эълон қилди.
Биз Европа ядро саноатининг уни Кремл билан боғлаб турган киндигини кесиб, ўрнига энергия тежаш ва қайта тикланадиган энергияни жадаллаштиришга эътибор қаратишимиз керак, – деди Родриго.
Унинг таъкидлашича, саккизинчи санкциялар пакети муҳокама қилинаётганда, Венгрия ва Болгария Россия уранига қўйилган чекловларга нисбатан энг фаол бўлган.
