Лондонда нарх-навонинг ошиши сабаб марказида минглаб одамлар ҳукуматдан чоралар кўришни талаб қилиб шаҳар марказига намойишга чиқди. Бу ҳақда Скй Неwс хабар берди.
Телеканал хабарига кўра, намойишчилар ҳукуматнинг иқтисодий инқирозни бартараф этиш бўйича кўраётган чораларидан норози. Улар инфляция ва яшаш нархининг ошишига қарши курашда янада кўпроқ ҳаракатга чақирмоқда.
Скй Неwс хабарига кўра, намойишчилар Вестминстер ҳудудидаги Парламент майдони томон йўл олган. Улар “Ёқилғи тақчиллигини тугатинг, уйларни ҳозироқ иситинг” ёзувли плакатлар кўтариб, “И неед а Доллар” (Менга пул керак) ва “Моней, моней, моней” (Пул, пул, пул) каби қўшиқларни куйлаган.
Акция ташкилотчиларига кўра, Лондондаги баъзи ишчилар 2008-йилдан бери деярли 20 минг фунт стерлинг (24 минг доллардан ортиқ) йўқотишган, чунки иш ҳақи инфляцияга бардош бера олмаган.
Намойишчилардан бири, ўқитувчи Френки Браун телеканалга берган интервюсида “унинг синфидаги айрим болаларнинг уйида ейдиган ҳеч вақоси йўқлигини” айтган.
