Кичик Жорж Бушни WhatsApp қутқарди.
Америка разведка идоралари АҚШнинг 43-президенти Жорж Бушга уюштирилган суиқасднинг олдини олишганини маълум қилди. Гумонланувчига қарши асосий далиллар унинг ўз шериклари билан WhatsApp мессенжеридаги ёзишмалари бўлган.
ФҚБнинг маълумотларига кўра, ИШИДга алоқадорликда айбланган Ироқ фуқароси ўтган йилнинг кузида атрофни суратга олиш ва ўрганиш учун Жорж Бушнинг уйи — Далласга борган. Шундан сўнг, у ўз шериклари учун Мексика чақирув визаларини олишни, кейинроқ эса уларни ва қуролларни АҚШга олиб киришни режалаштирган.
Гумонланувчи ўзининг барча суҳбатларини WhatsApp мессенжери орқали олиб борган, махсус хизматлар эса уни узоқ вақт кузатиб, унинг ҳар бир ҳаракатини том маънода назорат қилган.
Бушга суиқасд уюштиришда гумонланувчи қўлга олинганидан сўнг, Ироқ фуқароси АҚШнинг собиқ президентини 2003 йилда Америка қўшинларининг мамлакатга бостириб кириши чоғида ватандошларининг оммавий ўлимида айбдор деб билиши маълум бўлган.
Кичик Жорж Буш 2001-2009 йилларда Оқ уй раҳбари бўлиб ишлаган ва 2005 йилда у бир марта суиқасддан омон қолган. Унинг Тбилисига ташрифи чоғида оломон орасидан АҚШ ва Грузия президентлари ўтирган жойга жанговар граната улоқтирилган, бироқ у портламаган.
