Фуқаролик
ишлари бўйича Термиз туманлараро
судининг
2020 йил январь ойидаги суд
буйруғига асосан Рўзибой Жалиловдан
икки нафар фарзандларининг моддий
таъминоти учун алимент ундириш тўғрисидаги
ижро ҳужжати Бюронинг Бойсун туман
бўлими иш юритувига қабул қилиниб, ижро
ҳаракатларига киришилган эди.
Бойсун туманида яшовчи Рўзибой Жалилов икки нафар фарзандларининг моддий таъминоти учун жами 23 миллион сўмдан ортиқ алимент тўлмаганлиги сабабли суднинг қарори билан 15 сутка маъмурий қамоқ жазоси қўлланилди ва қарздор ота билан ҳуқуқий тушунтириш ишлари олиб борилди.
Қарздор ота алиментни собиқ турмуш ўртоғи учун эмас балки фарзандларининг моддий таъминоти учун зарурлигини англаб, уйсиз қолган фарзандларининг эҳтиёжидан келиб чиққан ҳолда алимент тўловлари эвазига уй-жой берадиган бўлди.
Шундан сўнг, бойсунлик ота фарзандлари учун Термиз шаҳрида жойлашган кўп қаватли турар жойлардаги бир хонали уйни натура шаклида хадя қилиб берди ва ундирувчининг аризасига асосан ижро ҳужжати белгиланган тартибда муддатидан олдин иш юритувдан тугатилди.
