ЖИНОЯТ ВА ЖАЗО

Сохта шартнома билан қарийб 550 млн сўм кредит маблағини талон-тарож қилганлар ушланди

Чилонзор туманида сохта шартнома тузиш орқали кредит маблағини талон-торож қилган МЧЖ раҳбарлари аниқланди, деб хабар бермоқда Бош прокуратураси ҳузуридаги Иқтисодий жиноятларга қарши курашиш департаменти.

Хабарда айтилишича, Бош прокуратура ҳузуридаги Департаментнинг Чилонзор туман бўлими томонидан ўтказилган терговга қадар текширувда, “W.C.” МЧЖ таъсисчиси С.А. “T.W.” МЧЖ раҳбари билан олдиндан тил бириктириб, “T.W.” МЧЖдан аслида мавжуд бўлмаган 3 дона ичимлик суви ишлаб чиқарувчи ускунани харид қилиш тўғрисидаги сохта шартнома тузишиб, ушбу шартномага асосан ҳудудий тижорат банки филиалидан 545 млн сўм кредит ажратилишига эришиб, кредит маблағини “T.W.” МЧЖ ҳисоб рақамига ўтказиб олиб, ўзлаштириш йўли билан талон-торож қилганликлари аниқланган.

Текширув давомида, аниқланган зарарнинг 200 млн сўми ундирилган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

LEAVE A RESPONSE

Email manzilingiz chop etilmaydi. Majburiy bandlar * bilan belgilangan