Бош прокуратураси ҳузуридаги Иқтисодий жиноятларга қарши курашиш департаментининг хабар беришича, Сариосиё туманида фермер хўжалиги ер майдонини ўзбошимчалик билан эгаллаб олиш ҳолати аниқланган.
Хабарда айтилишича, Бош прокуратура ҳузуридаги Департаментнинг Сариосиё туман бўлими томонидан “О.Ф.” фермер хўжалигининг мурожаатига асосан ўтказилган терговга қадар текширувда, фуқаро О.И. ушбу хўжаликнинг пахта ва ғаллага мўлжалланган 47-балл бонитетли суғориладиган ер майдонининг 6 сотихини эгаллаб олиб, ўзбошимчалик билан уй-жой қуриш учун бетон пойдеворларни қуйиб, қурилиш ишларини амалга ошириб келаётганлиги аниқланган.
Департаментнинг қўшимча қилишича, мазкур ҳолат юзасидан Жиноят кодексининг 229-1-моддаси (ер участкаларини ўзбошимчалик билан эгаллаб олиш) билан жиноят иши қўзғатилиб, тергов ҳаракатлари ўтказилмоқда.
