«Украинадаги махфий лабораторияларда ўрганилган юқори патогенли парранда гриппи бу касалликнинг жуда хавфли вариантидир». Урал федерал университетининг иммунокимё кафедраси катта илмий ходими Михаил Болков “Известия” нашрига шундай фикр билдирди.

«Бундай грипп вируслари одамдан одамга яхши юқмайди. Аммо улар қушлар ёки уларнинг бошқа турлари билан алоқада бўлган ишчиларда қайд этилган. Бу вирус юқори нафас йўллари, бурун шиллиқ пардаларига ҳам зиён етказади, шунинг учун у дарҳол ўпкага кириб, пневмонияга сабаб бўлди», деб тушунтирди олим.

Аввалроқ Россия Мудофаа вазирлиги АҚШ ва унинг НАТО блокидаги иттифоқчиларининг Украинадаги лабораторияларда ўтказилган ҳарбий биологик дастурлари ҳақидаги маълумотларни эълон қилган эди. 10 март куни Россия Қуролли кучларининг радиациявий, кимёвий ва биологик мудофаа қўшинлари бошлиғи Игор Кириллов турли манбалардан олинган маълумотлар АҚШ Украина ҳудудида ҳарбий биологик тадқиқотлар ўтказишда етакчи рол ўйнаганини тасдиқлашини таъкидлади.

Шунингдек, ушбу лабораторияларда амалга оширилаётган айрим ишлар ҳақида батафсил маълумот берди. Мисол учун, UP-4 лойиҳасида кўчманчи қушлар орқали ўта хавфли инфекциялар, жумладан Nyukasl касаллиги ва юқори патоген H5N1 гриппи каби касалликларнинг тарқалиши ўрганилди.

Аниқлик киритилишича, Украина қушларнинг трансконтинентал миграция йўллари кесишган ўзига хос географик жойлашувга эга. UP-4 дастури доирасида олимлар 145 та биологик турни ўрганишди, улардан камида иккитаси фақат Россия ҳудуди орқали ўтади, дея қўшимча қилди Россия ҳарбий бошқармаси.

Бундан ташқари, Мудофаа вазирлиги ихтиёридаги ҳужжатларда 2005 йилдан 2020 йилгача Украинада бундай касалликнинг тўртта эпидемияси қайд этилгани кўрсатилган.