Аргентинанинг Олаваррия шаҳри яқинида поезднинг релсдан чиқиб кетиши оқибатида 20 дан ортиқ одам жабрланди. Бу ҳақда шаҳар мери Эзекиел Галли Twitter’даги саҳифасида маълум қилди.
«Бугунги кунга қадар шифохонада 21 кишига тиббий ёрдам кўрсатилди. Жабрланганлар орасида беш нафар бола ҳам бор», деб ёзади Эсекел Галли.
Олаваррия мерининг таъкидлашича, вояга этмаганлар аллақачон шифохонадан чиқарилган ва жабрланганлардан фақат бир киши шифокорлар назорати остида қолган.
Қайд этилишича, поезд Буенос-Айресдан Баия-Бланка порт шаҳрига йўл олган. Маҳаллий аҳолининг сўзларига кўра, темир йўл релслари остидаги қирғоқни ювиб кетган кучли ёмғир релсдан чиқиб кетишига сабаб бўлиши мумкин.
Эслатиб ўтамиз, аввалроқ Транс-Сибир темир йўлининг Приморск ўлкасидаги қисмида юк поездининг етти вагони релсдан чиқиб кетган эди. Ҳодиса оқибатида ҳеч ким жабрланмади, атроф-муҳитга таҳдид йўқ
