Логистика муаммолари автосаноатдаги инқирозга сабаб бўлган охирги омил эмас эди. Мисол учун, етказиб беришдаги узилишлар туфайли Россия «АвтоВАЗ» ишлаб чиқариш фаолиятини вақтинча тўхтатди ва маҳсулот ҳажмини сезиларли равишда қисқартирди, бу, албатта, даромадга жуда салбий таъсир кўрсатди. Ҳаммаси бўлиб 2021 йилда Россиядаги автомобилсозлик корхоналари логистика таъминоти қисқариши туфайли ўтган йилга нисбатан 7,7 миллион дона кам автомобиль ишлаб чиқарган.

Барча йирик компаниялар шу каби қийинчиликларга дуч келди. Масалан, 2021 йил баҳорида Hyundai ўзининг Жанубий Кореядаги асосий корхонаси ишини бир ҳафтага кечиктирди ва Volkswagen бутун дунё бўйлаб деярли 100 мингта автомобиль ишлаб чиқаришдан воз кечишга мажбур бўлди. Ford va Toyota’да вазият яхши эмас. Ҳатто General Motors АҚШ, Канада ва Мексикадаги учта заводида ишлаб чиқаришни вақтинча секинлаштирди, Жанубий Кореядаги заводларида эса ўтган йили ишлаб чиқариш икки баравар камайди.

Ҳозирча экспертлар ижобий прогнозлар беришни хавф остига қўймайди, чунки иқтисодиётнинг бошқа тармоқлари ковиддан кейинги шокдан аста-секин узоқлашаётган бўлса-да, автосаноат ҳали ҳам олдинги ҳолатига қайта олгани йўқ. Автомобиллар учун навбатлар сақланиб қолмоқда.

«UzAuto Motors» узоқ вақт давомида ишлаб чиқаришнинг барқарор даражасини сақлаб қолишга ҳаракат қилиб, логистикадаги узилишларни муваффақиятли енгиб келмоқда. Бироқ соҳага доимий босим остида компания бошқа йирик ўйинчиларни кузатиб, маълум автомобиль моделларини ишлаб чиқариш учун аризаларни қабул қилишни тўхтатиб қўйишга мажбур бўлди. 2021 йилнинг 20 декабридан бери харидорлар Nexia, Spark, Cobalt, Lacetti автомобилларига буюртма бера олмаяпти. Аммо бу вақт ичида компания ходимлари диққатини олдиндан буюртма қилинган автомобилларни яратишга қаратишга муваффақ бўлди.

Бундай стратегик қадам муҳим роль ўйнади, чунки «UzAuto Motors» 2022 йилнинг январь ойида ўз фаолиятини сезиларли даражада яхшилашга муваффақ бўлди. Шу тариқа Cobalt автомобилини ишлаб чиқариш кунига ўртача 342 донадан 420 донагача (+23 фоиз), Lacetti ишлаб чиқариш эса 262 донадан 360 донагача (+30 фоиз) ошди. Бундан ташқари, пайвандлаш цехи ишида рекорд кўрсаткичлар қайд этилди. Устахонада кунига 457 та кузов ишлаб чиқарилмоқда.