Франция президенти Эммануэл Макрон россиялик ҳамкасби Владимир Путин билан Беларус конституцияси лойиҳаси ва Лукашенконинг ядро қуроли ҳақидаги сўзларини муҳокама қилди, деб ёзади “ТАСС”.

Франция президенти Беларус Конституцияси лойиҳасидан хавотирда эканлигини билдирди, у «1994 йилдан бошлаб унинг мақоми тўғрисидаги иккита асосий қоидани бекор қилишни назарда тутган», шунингдек, Лукашенконинг ядровий қурол бўйича 27 декабрдаги баёноти.

“Бу борада мен президент Путиндан кафолат олдим”, деди Макрон Россия раҳбари билан қўшма матбуот анжуманида.

Аввалроқ Александр Лукашенко, агар НАТО Полшага ядровий қурол юборса, Беларус Россияга ядро қуролини жойлаштиришни таклиф қилишини таъкидлаган эди. Кейинчалик уни ташқи ишлар вазири Владимир Макей қўллаб-қувватлади.