Норматив-ҳуқуқий ҳужжатлар лойиҳалари муҳокамаси порталига “Профессионал таълим соҳасида давлат бошқарувини янада такомиллаштириш чора-тадбирлари тўғрисида”ги Ўзбекистон Республикаси Президентининг фармони жойлаштирилди.

Муҳокамага қўйилган ҳужжатда транспорт, энергетика, қишлоқ хўжалиги, енгил саноат, хизмат кўрсатиш ва ахборот технологиялари каби соҳалар бўйича коллеж ва техникумларда умумий қабул параметрларининг камида 50 фоизи давлат гранти асосида белгиланиши таклифи киритилган.

Бундан ташқари, касб-ҳунар мактабларида якуний баҳолари “яхши” ва “аъло” бўлган ҳамда коллеж ва техникумларда давлат гранти асосида таълим олаётган ўқувчиларга стипендия тўланиши ва бошқа шу каби имтиёзлар ҳам кўзда тутилган.

Шунингдек, ҳужжатга кўра, 2022-2023 ўқув йилидан бошлаб бошланғич, ўрта ва ўрта махсус профессионал таълим дастурлари ва қисқа муддатли ўқув курсларининг ўқув дастурлари лойиҳалари электрон порталда “опен спаcе” тамойили асосида электрон форматда амалга оширилиши мумкин.