АNI news маълумотларига кўра, Афғонистонда кучли қор ёғиши оқибатида камида 42 киши ҳалок бўлган, 76 киши яраланган.
Афғонистон Ислом Амирлигининг Табиий офатларга қарши кураш бўйича давлат вазирлиги Афғонистоннинг 15 вилоятида кучли қор ёғиши оқибатида 42 киши ҳалок бўлди, 76 киши жароҳатланди, деб хабар берди Khaama Press.
Давлат вазирлигининг маълум қилишича, сўнгги 20 кун ичида Афғонистон бўйлаб 2000 дан ортиқ уй вайрон бўлган.
Табиий офатларни бошқариш вазирлиги хабарига кўра, жабрланганларга шошилинч ёрдам етказилган ва улар кейинги офатларнинг олдини олиш учун астойдил ҳаракат қилмоқда.
Айни пайтда вазирлик ўринбосари Энаятуллоҳ Шужа, юзлаб одамлар кучли қор ёғиши туфайли бир неча автомагистралларда қолиб кетгани, уларнинг айримлари қутқарилгани ва қутқарув операцияси ҳамон давом этаётганини айтди.
Шужа шунингдек, жабрланганларга тез ёрдам етказиш учун турли ёрдам агентликлари билан ҳамкорлик қилинаётганини айтди.
Аввалроқ, ғарбий Бадғис вилоятида содир бўлган икки зилзила ҳам 28 кишининг ҳаётига зомин бўлган ва 1000 га яқин уй вайрон бўлган эди.
Совуқ қиш ва кучли қор ёғиши Афғонистондаги ишсизлик, очлик ва қурғоқчилик туфайли гуманитар инқирозга олиб келди.
