Қозоғистоннинг Манғистау вилоятида норозилик намойишлари давом этмоқда.
Бугун эрталаб Ақтауда Интимак майдонида 500 га яқин одам тўпланган. Намойишчилар учун марказий майдонда улкан ўтов тикилган. Унинг ичида намойишчиларга иссиқ, чой, нон, сомса бўғирсоқ ва бошқа таомлар тарқатиш ташкил қилинган. Тунда аёллар ва қариялар учун адёллар тарқатилган.
Норозилик сабаби – 1 январдан бошлаб суюлтирилган газ нархининг 60 тенгедеан 120 тенгегача кўтарилиши бўлди. Намойишчилар нархларни 50-60 тангага туширишни талаб қилишмоқда.
Қозоғистон Энергетика вазирлигининг тушунтиришича, газ нархи энди талаб ва таклифга мувофиқ бозорнинг ўзи томонидан шакллантирилади. Ҳокимият газ нархини тартибга солишда иштирок этмайди.
Шу билан бирга, тадбиркорлар томонидан нархларни асоссиз ошириб юбориш ҳолатлари аниқланган тақдирда Рақобатни ҳимоя қилиш агентлиги департаменти томонидан маъмурий чоралар кўрилади.
