Дам олиш кунлари Италиянинг Рим шаҳрида Халқаро байдарка ва каноэ федерацияси (ICF)нинг навбатдан ташқари конгресси ўтказилди.

Халқаро олимпия қўмитасининг хабар беришича, офлайн ва онлайн тарзда ўтган йиғилишда дунёдаги барча байдарка ва каноэда эшкак эшиш федерацияларининг овоз бериш ҳуқуқига эга бўлган мутасаддилари иштирок этган. Овоз беришнинг сўнгги ҳисоб-китобларига кўра, германиялик Томас Конецко россиялик рақиби Евгений Архиповни ортда қолдириб, кейинги муддатга Халқаро байдарка ва каноэ федерациясининг президенти этиб сайланган.

Шунингдек, айни шу кунлари Туркиянинг Анталия шаҳрида Халқаро гимнастика федерацияси (FIG) конгресси ҳам бўлиб ўтди.

Унда FIGнинг амалдаги раҳбари, япониялик Моринари Ватанабе ва Европа гимнастика федерацияси етакчиси, озарбайжонлик Фарид Гаибов Халқаро гимнастика федерациясининг президентлиги учун кураш олиб борди. Конгрессда делегатларнинг 81 та овозига эга бўлган Моринари Ватанабе кейинги муддатга Халқаро гимнастика федерациясининг раҳбари этиб сайланди. Маросимда 47 делегат япониялик мутахассисга қарши овоз берган.

Эслатиб ўтамиз, Ватанабе Токиодаги олимпия ўйинларида бокс мусобақаларини ташкил этиш қўмитаси раҳбари сифатида фаолият кўрсатганди.