SpaceX ва Tesla юқори технологияли компаниялари акцияларига эгалик қилувчи Илон Маск дунёдаги энг бой одамга айланди. Унинг бойлиги 300 миллиард доллардан ошади, деб хабар бермоқда Business Today.
Forbes ва Bloomberg Billionaires Index (BBI) маълумотларига кўра, Маскнинг бойлиги америкалик электромобиль ишлаб чиқарувчи Tesla компанияси акцияларининг кескин ўсиши туфайли бир кун ичида 17,1 миллиард долларга ошиб, 315 миллиард долларга етган. Bloomberg маълумотларига кўра, Маскнинг бойлиги 335 миллиард долларга баҳоланган.
Шунингдек, кучли учликдан Amazon асосчиси Жефф Безос (193,2 миллиард доллар) ва қиймати 190,8 миллиард долларга баҳоланган Франциянинг LVMN гуруҳи бош директори Бернард Aрно бор.
Эслатиб ўтамиз, октябр охирида Маск инсоният тарихидаги энг бой одам деб топилган ва унинг бойлиги 270 миллиард долларга етган.
