Ижтимоий тармоқларда Қашқадарёдаги мактабда ўқувчи қизлар ўртасида катта жанжал чиққани ҳақида хабар тарқалди. Ҳолат юзасидан вилоят ИИБ муносабат билдирди.

Маълум қилинишича, жорий йилнинг 20 сентябр куни Чироқчи тумани 2, 4 ва 5-умумий ўрта таълим мактаблари 9, 10, 11-синфининг 3 нафар ўқувчилари, олдиндан келишмовчилиги бўлгани сабабли, 1-умумий ўрта таълим мактаби маъмурий биносига борган. Шу орада ўзаро гаплашиш вақтида жанжаллаш юз берган.

Ҳозирда мазкур ҳолат юзасидан 1-умумий ўрта таълим мактабида ички ишлар органлари, халқ таълим бўлими ва маҳалла фуқаролар йиғини фаоллари ҳамда ота-оналар иштирокида, жанжалнинг келиб чиқиш сабаблари ўрганилиб, муҳокама қилинмоқда.

Таъкидланишича, барча ўқувчиларнинг ота-оналарига нисбатан Ўзбекистон Республикаси маъмурий жавобгарлик тўғрисидаги кодексининг 47-моддаси тартибида ҳужжатлар расмийлаштирилган.