Uncategorized

«UzAuto Motors» 177,6 миллион доллар божхона имтиёзи ва преференциялар олгани маълум бўлди

«UzAuto Motors»га 2021 йилнинг биринчи ярмида 1,9 триллион сўмлик божхона имтиёзлари ва преференциялари тақдим этилди. Бу ҳақда Давлат божхона қўмитасига таяниб, «Gazeta.uz» маълум қилди.

Гап Ўзбекистон Президенти ва Вазирлар Маҳкамасининг ҳужжатлари билан таъминланган божхона имтиёзлари ва преференциялари ҳақида кетмоқда.

Автомобиль ишлаб чиқарувчи жами 1,9 триллион сўм имтиёзларни олди, шу жумладан, божхона божи — 1,64 триллион сўм, қўшилган қиймат солиғи (ҚҚС) — 255,6 миллиард сўм, акциз солиғи — 356,7 миллион сўм.

Биринчи чоракда «UzAuto Motors»га 747,9 миллиард сўмлик имтиёзлар берилди: божхона божи бўйича — 650,3 миллиард сўм, ҚҚС — 97,2 миллиард сўм, акциз солиғи — 356,6 миллион сўм.

Иккинчи чоракда компания 1,1 триллион сўмни тежади: божхона божи бўйича — 993,8 миллиард сўм, ҚҚС — 158,4 миллиард сўм, акциз солиғи — 127,1 минг сўм.

LEAVE A RESPONSE

Email manzilingiz chop etilmaydi. Majburiy bandlar * bilan belgilangan