Ўзбекистонда “Спутник V” вакцинаси ишлаб чиқаришни режалаштираётган “Jurabek Laboratories” компанияси Россияда сифат назоратидан ўтди ва келгуси ҳафтадан вакцинани кенг кўламда ишлаб чиқаришни йўлга қўяди. Бу ҳақда корхона директори Фаррух Лутфуллаев маълум қилди.
Унинг сўзларига кўра, Н.Ф. Гамалея номидаги Миллий эпидемиология ва микробиология илмий-тадқиқот марказидан июль ойида ишлаб чиқарилган “Спутник V”нинг илк партияси сифати бўйича ижобий натижалар олинган.
“Биз Россиядан вакцинанинг сифати бўйича ижобий жавоб олдик. Ҳозир Россиядан хомашё кутяпмиз, кейинги ҳафтадан қуйишни бошлаймиз”, – деди Лутфуллаев.
