Машғулотлар 5-августдан 10-августгача Тожикистоннинг «Харб-Майдон» полигонида бўлиб ўтади.

Янги зирҳли техника яқинда бўлиб ўтадиган Россия, Ўзбекистон ва Тожикистон ҳарбийларининг Aфғонистон билан чегара яқинидаги машғулотларида иштирок этади. Бу ҳақда «Интерфакс» хабар берди.

Таъкидланишича, Россия ҳарбийлари 201-рус ҳарбий базасини қабул қиладиган Тожикистонга замонавийлаштирилган пиёда жанговар транспорт воситаларини (БМП-2М) етказиб бермоқда. Зиҳрли техникалар 5 – 10 август кунлари Тожикистоннинг Хатлон вилоятидаги «Харб-Майдон» полигонида бўлиб ўтадиган Россия Федерацияси, Ўзбекистон ва Тожикистон ҳарбий контингентларининг қўшма машғулотларида қатнашадилар. Бу ҳақда бугун Марказий ҳарбий округ матбуот хизмати маълум қилди.

Газетада таъкидланганидек, Ил-76 ҳарбий-транспорт самолётлари Россиянинг Тожикистонда жойлашган 201-рус ҳарбий базасига модернизация қилинган пиёда жанговар машиналарини етказиб бериш учун Ҳисор аэродромига етиб келган.

Эслатиб ўтамиз, 5-июлга ўтар кечаси Толибон Aфғонистоннинг Бадахшон вилоятидаги олтита округни – Хохон, Шикай, Нусай, Моҳимаи, Шугнон ва Султон Ишкашимни эгаллаб олди, улар Тожикистон билан умумий чегараси 910 км.

Тожикистон Мудофаа вазирлиги Aфғонистон билан чегарада хавфсизликни кучайтириш учун 20 минг аскар юборади.

Россияда тақиқланган Толибон террористик ҳаракати жангчилари ҳозирда Aфғонистоннинг муҳим қисмини назорат қилмоқда.