Косонсойда сел келиши натижасида 8 нафар фуқаро вафот этди, 6 нафар фуқаро тан жароҳати олди
Бугун, 13 июль куни Қирғизистон Республикаси Жалолобод вилояти ҳудудида кучли ёмғир ёғиши натижасида сел оқимлари ҳосил бўлган.
Фавқулодда вазиятлар вазирлиги хабарига кўра, сел оқимлари 13:35 ларда Наманган вилояти Косонсой тумани “Обод” МФЙ ҳудудидан ўтувчи “Косонсой” сойидан оқиб келган.
Воқеа жойига вилоят ФВБ, ИИБ бошлиқлари, Прокуратура органлари ходимлари чиқишган ҳамда вазият назоратга олинган.
Ҳодиса оқибатида 8 нафар фуқаро вафот этган, 6 нафар фуқаро тан жароҳати олган.
Ҳудудда ФВВ қутқарувчилари томонидан қидирув-қутқарув ишлари амалга оширилмоқда.
Ҳолат бўйича дастлабки терговолди текширув ишлари олиб борилмоқда.
Ҳодиса юзасидан қўшимча маълумотлар ваколатли органлар томонидан тақдим этилади.