Эртага, 20 июнь куни ташкил этиладиган чартер рейс: Тошкент – Қозон – Тошкент

Консуллик муассасалари томонидан рўйхатга олинган фуқаролар Uzbekistan Airways авиакомпаниясига тақдим этилади.

Рўйхатга биринчи навбатда бемор фуқаролар, ёш болали ва ҳомиладор аёллар ҳамда кекса ёшдаги фуқаролар, шунингдек бекор қилинган доимий авиақатновларга чипта харид қилган фуқаролар қўйилади.

Чипталарни фуқаролар парвоздан 4 соат олдин хорижий мамлакатларнинг халқаро аэропортларидаги Uzbekistan Airways авиакомпаниясининг кассаларидан олишлари мумкин бўлади.

Ўзбекистонга қайтган барча фуқаролар 14 кундан кам бўлмаган муддатга карантин марказига жойлаштирилади.

Эслатиб ўтамиз, бугун ташкил этиладиган чартер рейслар:

Тошкент — Истанбул — Тошкент,

Тошкент — Москва — Тошкент,

Тошкент — Истанбул — Тошкент.