6 кундирки АҚШда Миннеаполисда яшовчи 46 ёшли Жорж Флойднинг ўлими сабаб ўтказилаётган норозиликлар тўхтамаяпти. Вазиятни яхшилашга пойтахтда жорий этилган комендантлик соати ҳам ёрдам бермади.
Душанба куни Вашингтон ва АҚШнинг ўнлаб бошқа шаҳарларида оммавий норозилик намойишлари ўтказилди. Нью-Йоркда маҳаллий ҳокимият комендантлик соатини эълон қилишига қарамай, намойишчилар Оқ уй атрофида ҳам катта тўполонни юзага келтиришди. 25-май куни Миннеаполиснинг қора танли фуқароси Жорж Флойд, ҳибсга олиш жараёнида вафот этганидан сўнг, юз минглаб намойишчилар Американинг 100дар ортиқ шаҳарларида кўчаларга чиқишди. Улар воқеага нисбатан адолатли ёндашувни талаб қилишмоқда.
Флойдни ерга ётқизиб қийноққа солган полициячи Дерек Шовин аввалига ишдан хайдалди, сўнгра хибсга олинди. Бироқ намойишчилар ҳибсга олиш пайтида унинг ёнида бўлган қолган ходимларга нисбатан ҳам тегишли жазо чоралари кўришни талаб қилишмоқда.
Кузатувчиларнинг таъкидлашича, 60-йиллардан бери АҚШда бундай тўқнашувлар бўлмаган. Президент Доналд Трамп душанба куни Пентагон ва Адлия вазирлиги расмийлари билан учрашгандан сўнг, мамлакатда тартибсизликларни тўxтатиш учун қўшимча федерал кучларни жалб этишга қарор қилди.
