«Digital university» масъулияти чекланган жамият лицензияси бекор қилинди. Бу бўйича Тошкент туманлараро иқтисодий судининг 2024 йил 10 октябрдаги ҳал қилув қарори қабул қилинди.

Олий таълим, фан ва инновациялар вазирлиги ахборот хизмати хабар беришича, бунга МЧЖнинг лицензия талаб ва шартларига амал қилмаганлиги сабаб бўлган.

Маълумот учун «Digital university» МЧЖга 2022 йил 13 сентябрда нодавлат таълим хизматларини кўрсатиш фаолияти учун 038673-сонли лицензия берилган эди.