АҚШнинг Алабама штатида уч кишини ўлдиришда айбдор деб топилган эркак азот ёрдамида қатл этилди. Бу газдан фойдаланган ҳолда ўлим жазосининг дунёда иккинчи марта ижро этилиши бўлди.
Associated Press хабарига кўра, 59 ёшли Алан Евгений Миллернинг ўлими 26 сентябрь куни маҳаллий вақт билан 18:38 да (27 сентябрь, Тошкент вақти билан 4:38) содир бўлган. Агентликнинг ёзишича, газ етказиб берилаётган вақтда маҳкумнинг икки дақиқа давом этган талвасалари бошланган.
Алан Евгений Миллер 1999 йилда уч кишини ўлдиришда айбдор деб топилган. 2022 йилда унга нисбатан аллақачон инъекция йўли билан ўлим жазосини амалга оширишга уриниш бўлган, аммо, ҳукмни ижро этувчи препаратни юбориш учун жиноятчининг томирини топа олмади.
Азот ёрдамида биринчи қатл январь ойида худди шу Алабама штатида амалга оширилган. Кеннет Евгений Смит 1988 йилда қотиллик учун ўлимга ҳукм қилинган. Бирлашган Миллатлар Ташкилоти ва ЕИ қатл қилишнинг янги усулидан фойдаланишни танқид қилиб, бундай жазо тайинланишига ҳам қарши чиқди. Азотдан фойдаланган ҳолда ўлим жазоси АҚШнинг учта штатида – Алабама, Оклахома ва Миссисипида қонунийдир.
