УЕФА Туриннинг «Ювентус» клубини бир йилга барча еврокубоклардан четлаштириш бўйича якуний қарорни қабул қилди. Бу ҳақда клуб расмий сайтида маълум қилинган.

Шу тариқа, «Ювентус» Конференция лигаси – 2023/2024 йилги мавсумни ўтказиб юборади. Бундан ташқари, 20 миллион евро жарима тўлайди.

Эслатиб ўтамиз, Европа мусобақаларидан четлаштириш УЕФА томонидан 2022 йил декабрида клубнинг баҳсли баланслари бўйича бошланган текширув натижаси бўлган ва молиявий фэйр-плей қоидалари бузилганлигини аниқлаган.