Америка Қўшма Штатларида бензин нархи ўсишда давом этади. Ушбу ҳолатни АҚШнинг собиқ президенти Доналд Трамп мамлакатдаги ҳозирги маъмурият сиёсати туфайли бўлаётганини таъкидлади.
«АҚШ штатлари бир галлон(3.785 литр) учун тўрт ёки беш доллар тўлайди. Калифорнияда эса саккиз доллар тўлайдилар, лекин биз нархларнинг анча юқори эканлигини кўриб турибмиз. Бу Қўшма Штатлар узоқ вақт давомида бошдан кечирмаган зарба бўлади”, деди Трамп Fox News телеканали эфирида.
Америка ёқилғи қуйиш шохобчаларида кетма-кет учинчи кун бензин нархи рекорд даражага етди. Масалан, 10 март куни Россияда АИ-92 бензинига тўғри келадиган Регулар ёқилғининг нархи бир галлон учун 4,31 доллардан ошди. Бу ўсишга АҚШ ва бошқа давлатлар томонидан Россияга қарши жорий қилинган санкциялар сабаб бўлди.
Эслатиб ўтамиз, 8 март куни АҚШ Россиядан барча нефт ва газ импортини тақиқлашини эълон қилган эди. Шу билан бирга, Америка раҳбари бу чораларнинг оқибатлари АҚШнинг ўзига ҳам таъсир қилишини тан олди.
