Жорий йилнинг иккинчи чорагида жаҳонда йил давомида смартфонлар савдоси 16 фоизга пасайиши кузатилди. Бунинг асосий сабаби пандемиянинг компаниялар фаолиятига салбий таъсиридир. 2020 йилнинг иккинчи чорагида компаниялар жами 278,4 млн дона смартфон сотишган.
Смартфонлар етказиб бериш бўйича биринчи ўринда Huawei турибди: Хитой компанияси 55,8 млн дона смартфон сотган, бу жаҳон бозорининг 20 фоизи демакдир. Иккинчи ўринни 54,2 млн дона смартфон (бозорнинг 19,5 фоизи) билан Samsung эгаллади. Apple 37,6 млн дона смартфон (13,5 фоиз) билан кучли учликка кирди.
