Сурия 14 йил ичида биринчи марта хорижга нефт сотди. Бу ҳақда Reuters хабар берди.
Савдо компанияси билан келишув доирасида хорижга 600 минг баррел хом нефт жўнатилди. Аниқлик киритилишича, жорий йилнинг август ойида АҚШнинг чекловлари бекор қилиниши билан экспортни тиклаш мумкин бўлди.
Сурия энергетика вазирлиги ушбу қадам нефт секторини жонлантириш ва мамлакатнинг жаҳон компаниялари билан ҳамкорлик уфқларини кенгайтириш учун муҳим эканлигини таъкидлади. Яқин кунларда янги экспорт етказмалари амалга оширилади.
Эслатиб ўтамиз, мамлакатда инқироз бошланган ва Ғарб санкциялари жорий этилган 2011 йилдан буён Сурия чет элга нефт экспорт қилмаган эди.
