Сўнгги кунларда ижтимоий тармоқларда ўзбек тилини бошқа тил унсурларидан сақлаш, сўз, атамлар, лексик қатламни тобора ўзбекчалаштиришга бўлган ҳаракат кучайди. Шундай ҳаракатлардан бири исм, фамилия ва отасининг исмига қўшиладиган «ов», «ова», «ев», «ева», «ович», «овна», «евич», «евна» ўзлашмаларидан бутунлай воз кечиб, бобосининг исми, боланинг исми ва отасининг исмига «ўғли»/»қизи» сўзларини қўйиш орқали амалга оширилмоқда.

Айтиш жоизки, ўзбек тилида кўп учрайдиган арабча, форсча исмларни ҳам айнан ўзбекчалаштириш ёки ўзбекча сўзлардан янги исмлар ўйлаб топиб, қўйиш ҳолатлари ҳам кузатилмоқда.