Пентагон раҳбари Пит Хегсет ва Панама Президенти Хосе Рауль Мулино телефон орқали мулоқот қилиб, икки давлатнинг яқин алоқалари ва уларнинг умумий хавфсизлик манфаатларини муҳокама қилишди, хусусан Панама каналини ҳимоя қилишга алоҳида эътибор қаратишди. Бу ҳақда Пентагон баёнотида айтилади.

“Шунингдек, вазир Хегсет ва президент Мулино АҚШ ҳарбийлари ва Панама хавфсизлик кучлари ўртасидаги ҳамкорликни кенгайтиришга келишиб олишди. Шунингдек, улар Қўшма Штатлар, жумладан, Мудофаа вазирлиги ва Панама канали маъмурияти ўртасидаги ҳамкорлик кенг кўламли соҳаларни қамраб олиши ва ривожланишда давом этаётганини таъкидлашди”, дейилади Пентагон баёнотида.

Қайд этилишича, Мулино Хегсетнинг Панамага бўлажак ташрифини интиқлик билан кутмоқда, бу сафар икки давлат ўртасидаги яқин алоқаларни мустаҳкамлашга ёрдам беради, бу эса ўз навбатида канални ташқи таҳдидлардан биргаликда ҳимоя қилишни таъминлайди.

Чоршанба куни АҚШ президенти Дональд Трамп мамлакат Панама канали устидан назоратни қайта тиклаш ниятида эканини маълум қилди. У аввалроқ каналнинг Панамага берилиши Вашингтон мавқеини заифлаштиргани, Хитой компаниялари эса сўнгги йилларда унинг инфратузилмасига сезиларли таъсир кўрсатганидан хавотир билдирган эди, деб хабар беради ria.ru.

Трампнинг таъкидлашича, АҚШ Атлантика ва Тинч океанларини боғловчи бундай стратегик муҳим йўналиш устидан назоратни йўқотмаслиги керак.