Марказий банк «аҳолининг инвестиция ва жамғариш имкониятларини кенгайтириш, шунингдек, қимматбаҳо металлар муомаласини ривожлантириш мақсадида» 2020 йилнинг 2 ноябридан буён ўлчовли олтин қуймаларни тижорат банклари орқали сотувга чиқариб келади.

Регулятор шу кунга қадар сотувда бўлган 5, 10, 20, 50 граммли ўлчовли олтин қуймаларга қўшимча равишда оғирлиги 100 грамм бўлган олтиндан тайёрланган ўлчовли қуймаларни ҳам сотувга чиқарди.

Ушбу олтин қуймасининг бугун, 17 январь учун нархи 116 млн 603 минг сўм этиб белгиланган.

Эслатиб ўтамиз, олтин қуймаларининг сотиш нархлари ҳар куни Марказий банк томонидан миллий валютада эълон қилиб борилади.