Россия Федерацияси Ички ишлар вазирлиги ходимлари кўмагида халқаро келишувларга мувофиқ, 1 нафар вояга етмаган Ўзбекистон фуқароси Ватанга қайтарилди. 

Бола Тошкент шаҳри ИИББ Вояга етмаганларга ижтимоий-ҳуқуқий ёрдам кўрсатиш маркази томонидан қабул қилинди ва Ижтимоий ҳимоя миллий  агентлиги кўмагида ота-онасига топширилди.  

2024 йил якуни бўйича жами 120 нафар ўзбекистонлик вояга етмаган фуқаролар ватанга қайтарилиб, ота-оналари ёки яқин қариндошлари қарамоғига топширилди.

Ижтимоий ҳимоя миллий агентлиги томонидан хорижда қийин вазиятга тушган болаларни ватанга қайтариш ва уларга ижтимоий ёрдам кўрсатиш бўйича олиб борилаётган чора-тадбирлар давом этмоқда.