Музработ тумани “Юртим жамоли” маҳалласида яшовчи, 23 ёшдаги иккинчи гуруҳ ногирони С.Н. га 3 май куни “Азизчик” номли Telegramm фойдаланувчисидан унинг ҳисоб рақамига эҳсон тариқасида пул ўтказиб беришини айтиб, тегишли банк пластик карта кодларини юборишини сўрайди. Шундан сўнг у “Халқ банки” АТБ томонидан ўзининг номига расмийлаштирилган банк пластик карта рақами ва пластик карта учун келган СМС кодларини “Азизчик” номли Telegramm фойдаланувчисига юборади. Бироздан сўнг эса банк пластик картасидан 4 миллион 40 минг сўм миқдоридаги пули яширин ечиб олинганини сезиб қолади ва бу ҳақда туман ички ишлар бўлимига мурожаат этади. Олиб борилган суриштирув ва қидирув ишлари натижасида “Азизчик” номли Telegramm фойдаланувчисининг шахси аниқланиб, жиноятчи фош этилди. У Наманган вилояти, Чуст туманидаги “Гузар” маҳалласида яшайдиган 51-ўрта мактабнинг 9-синф ўқувчиси Э. А. экани маълум бўлди. Суриштирув жараёнида 17 ёшдаги ўспирин шу куннинг ўзида Термиз шаҳридаги “Нилуфар” маҳалласида яшайдиган биринчи гуруҳ ногирони М. С.нинг ҳам 46 минг 854 сўмини худди шундай йўл билан компьютер тизими орқали яширин талон-тарож қилгани аниқланди. Э. А. га нисбатан Ўзбекистон Республикаси Жиноят кодексининг 169-моддаси 3-қисми «а, б» бандлари билан жиноят иши қўзғатилди.