Сурхондарёнинг Узун туманида Йўл ҳаракати хавфсизлиги хизмати инспектори 800 АҚШ доллари билан қўлга тушди. Бу ҳақда Бош прокуратура матбуот хизмати хабар қилди.
Маълум қилинишича, инспектор Ш.А. «Gentra» ойналарини махсус рухсатномасиз қорайтириб олган ҳайдовчидан ҳолат бўйича ҳужжатларни расмийлаштирмаслик эвазига 800 АҚШ доллар олаётган пайтда қўлга олинган. Унга нисбатан Жиноят кодексининг 210-моддаси — пора олиш билан жиноят иши қўзғатилган.
Гумонланувчи процессуал тартибда ушланган.
