Баҳодир Жалолов, Ҳасанбой Дўсматов, Алишер Юсупов, Шарифа Давронова ва бошқалар Олимпия ўйинлари синов майдонларига яқинлашмоқда. Ҳаяжонли дамлар сизу бизни кутмоқда.

Бугун, 2 август куни ўтадиган ёзги Олимпия ўйинларида 14 та спорт турида 23 та медаллар жамланмаси учун қизиқарли курашлар кечади. 

Дунё нигоҳидаги Олимпия ўйинларида спортчилар ўқ отиш, сувга сакраш, академик эшкак эшиш, теннис, батутдан сакраш, бокс, от спорти, бадминтон, спорт паруси, камондан отиш, дзюдо, сузиш, қиличбозлик, енгил атлетика ва велоспорт-ВМХ йўналишларида ўз омадларини синовдан ўтказишади. 

Мамлакатимиз спортчилари енгил атлетика, дзюдо, камондан отиш, бокс, енгил атлетика спорт турларида Ватанимиз шарафини ҳимоя қилади. 

2 август куни ўтадиган Олимпия ўйинларининг беллашувлар вақти ва мусобақалар дастури билан танишинг: 

18:30. Бокс. Ситора Турдибекова – Лин Ю Тинг (Хитой Тайпейи) (57 кг, нимчорак финал). 

20:54. Бокс. Баҳодир Жалолов – Теремоана (Австралия) (+92 кг, чорак финал). 

21:15. Енгил атлетика. Шарифа Давронова (Уч ҳатлаб сакраш, квалификация “Б” гуруҳи). 

00:20. Бокс. Ҳасанбой Дўсматов – Сакен Бибоссинов (Қозоғистон) (51 кг, чорак финал). 

00:52. Бокс. Тўрабек Ҳабибуллаев – Арлен Лопес (Куба) (80 кг, чорак финал).