Малави вице-президенти ва тўққиз йўловчи бўлган самолёт радарлардан ғойиб бўлди
Малави вице-президенти Саулос Чилима ва яна 9 киши бўлган самолёт радарлардан ғойиб бўлди. Бу ҳақда BBC идора баёнотига таяниб хабар бермоқда.
Уларнинг таъкидлашича, Малави мудофаа кучлари самолёти 10 июнь, душанба куни эрталаб пойтахт Лилонгведан ҳавога кўтарилганидан сўнг радарлардан йўқолиб қолган. Президент Лазарус Чаквера қуруқликдаги экипажлар самолёт билан боғлана олмаганидан кейин қидирув-қутқарув операциясини ўтказишни буюрди. Малави вице-президенти бўлган самолёт мамлакат шимолидаги Мзузу халқаро аэропортига қўниши керак эди, бироқ белгиланган вақтда қўнмади.
Малави президенти Лазарус Чаквера фавқулодда вазият туфайли Багама оролларига сафарини бекор қилди.
Малави Жанубий-Шарқий Африкадаги денгизга чиқмайдиган давлатдир. Мамлакатнинг катта қисмини худди шу номдаги кўл эгаллайди. Давлат Танзания, Замбия ва Мозамбик билан чегарадош.
