2023 йил 7 октябрдан буён Фаластин анклавидан атиги 4895 киши даволаниш учун ҳудуддан ташқарига чиқиб кетишга муваффақ бўлди, дея хабар берди Соғлиқни сақлаш вазирлиги

Блокадаги Ғазо секторидаги 25 мингга яқин ярадор ва касаллар эксклавдан ташқарида даволанишга муҳтож. Бу ҳақда Ғазо секторидаги Фаластин соғлиқни сақлаш вазирлиги баёнотида айтилади.

Ҳисоботда қайд этилишича, 2023 йил 7 октябрдан, яъни Исроилнинг Ғазо секторига ҳужумлари бошланганидан бери фақатгина 4895 киши Фаластин анклавидан даволаниш учун минтақадан ташқарига чиқиб кетишга муваффақ бўлди.

Ғазо Соғлиқни сақлаш вазирлиги, шунингдек, Исроил армияси Рафаҳ шаҳрига қуруқликдан ҳужум уюштириб, худди шу номдаги назорат-ўтказиш пунктини ўз назоратига олганидан сўнг бирорта ҳам бемор ёки ярадор Ғазо секторини тарк эта олмаганига эътибор қаратди.

Бемор ва ярадорлар даволаниш учун Ғазо секторини тарк эта олмаётгани учун минглаб одамларнинг ҳаёти хавф остида. Бу Ғазо секторидан ташқарида ихтисослашган марказларда даволаш ва сақлаб қолиш мумкин бўлган ҳолатлар, дейилади ҳисоботда.

Соғлиқни сақлаш вазирлиги Исроил армиясининг ҳужумлари нишонида Фаластин анклавидаги тиббиёт муассасалари борлигини эслатди.

«Исроилнинг ишғол қилган Ғазо секторидаги шифохоналарга атайлаб ҳужумлар уюштиргани ва уларни ишдан чиқарганидан сўнг, бу касал ва ярадорларнинг аҳволи ёмонлашмоқда», – дейилади департаментда.