Россиянинг Ростов вилоятида журналист ва “Рабкор” интернет-журналининг доимий муаллифи Александр Рибин ўлик ҳолда топилди. Бу ҳақда журнал муҳаррирларига Рибиннинг дўсти ва онаси хабар берган.
Уларга кўра, журналистнинг жасади Шахти шаҳри яқинидаги автомагистраль яқинида топилган. Унинг ўлими сабаблари аниқланмоқда.
Александр Рибин этнограф, саёҳатчи, журналист ва сиёсий шарҳловчи бўлиб, турли рус нашрлари билан ҳамкорлик қилган. У Россия ва бошқа мамлакатлардаги сиёсий вазиятга бағишланган “Рабкор” кўрсатувларида мунтазам қатнашиб турарди.
Александр Рибин 1983 йилда Калинин вилоятида туғилган. У дунёнинг кўплаб мамлакатларида, жумладан Ўзбекистонда яшаб, ижод қилган.
