Ота-оналарнинг ўз фарзандларини вояга етгунларига кадар моддий таъминлаш ва тарбиялаш мажбурияти бу уларнинг болалар ва жамият олдидаги мажбуриятларидир.
Олтинсой туманида яшовчи Моҳидил Абдурасулова турмуш ўртоғи билан ўзаро келишмовчиликлар сабаб ажрашгандан сўнг 4 нафар вояга етмаган болаларини ёлғиз ўзи тарбиялаб, рўзғорини тебратиб келаётган оналардан бири. М.Абдурасулованинг турмуш ўртоғидан алимент пулини ундириб беришларини сўраб йўллаган мурожаати Бюронинг Олтинсой туман бўлими томонидан ижобий ҳал этилди.
Қарздор ота 12 миллион сўм алимент пулини тўлашдан бўйин товлаб келганлиги сабабли унга тегишли бўлган “Lacetti” русумли автомашина хатловга олиниб, 27 миллион сўм бошланғич нарх билан онлайн аукцион савдоларига чиқарилди. Натижада ушбу автотранспорт воситаси салкам 72 миллион сўмга сотилиб, қарздорлиги тўлиқ ундириб олинди ҳамда алимент тўлови ота турмуш ўртоғи билан ўзаро келишган ҳолда бир йиллик алимент пулини ҳам олдиндан тўлаб берди. Жами 25 миллион сўм алимент пули тўлаб берилган бўлса, ортиқча пул маблағлари алимент тўловчи отага қайтариб берилди.
Олим Холмўминов,
Бюронинг Олтинсой туман бўлими бошлиғи.
