Меtа корпорацияси раҳбари Марк Цукерберг Twitter эгаси Илон Маскнинг рингдаги қоидаларсиз жангда ўзаро орани очиқ қилиб олиш бўйича таклифини қабул қилди. Бу ҳақда The Verge хабар берди.

Нашрнинг ёзишича, Меtа Twitter’га рақобатчи иловани ишга тушириш ниятида экани ҳақида маълумот пайдо бўлгач, Илон Маск Марк Цукербергни рингга чақирган.

“Агар Цукерберг рози бўлса, мен у билан октагонда жанг қилишга тайёрман”, — деб ёзди Маск Twitter’даги саҳифасида.

Цукерберг Маскнинг таклифига Instagram’даги stories’да “Менга жанг жойини юбор” деган ёзув билан жавоб берди. “Лас-Вегасдаги октагон”, деди Маск.

Метаънинг Twitter’га ўхшаш иловани ишга туширмоқчи эканлиги ҳақида 8 июнь куни The Wall Street Journal томонидан эълон қилинганди.