Бу ҳақда Ташқи ишлар вазирлиги хабар бермоқда.
Томонлар делегацияларига Ўзбекистон Республикаси ташқи ишлар вазирининг ўринбосари Баҳромжон Аълоев ва Қатар Давлати ташқи ишлар давлат вазири Султон бин Саад Ал-Мурайҳи бошчилик қилдилар.
Маслаҳатлашувларда сиёсат ва дипломатия, савдо ва иқтисодиёт, транспорт, энергетика, фан ва маданият соҳаларида Ўзбекистон-Қатар ҳамкорлигини янада жадаллаштириш бўйича таклифлар муҳокама қилинди.
Томонлар халқаро ва минтақавий сиёсат масалалари, шу жумладан Афғонистондаги вазият юзасидан фикр алмашдилар, дейилади хабарда.