Financial Times исроиллик таҳлилчи Гидеон Раҳман Хитой Украинадаги урушни тугатишда ҳал қилувчи рол ўйнаши мумкинлигини айтди. Бу ҳақда Financial Times хабар берди.

Раҳмоннинг мақоласи Украина президенти Владимир Зеленский ва Хитой раҳбари Си Цзиньпин ўртасидаги деярли бир соат давом этган телефон суҳбатига тўғри келди. Ушбу суҳбатда Хитой Украинага Евросиё ишлари бўйича ўзининг махсус вакилини юбориши маълум бўлган.

Maxсус вакил можарони сиёсий йўл билан ҳал қилиш бўйича чуқур алоқа ўрнатиш учун бошқа давлатларга ҳам ташриф буюради. Хитой Украина билан икки томонлама стратегик шерикликни ривожлантиришга тайёрлигини билдирган.

Исроиллик таҳлилчининг фикрича, Украина қуролли кучларининг бўлажак қарши ҳужумининг энг эҳтимолли натижаси ҳарбий ғалаба эмас, балки Россия билан бўлажак музокараларда позицияларнинг яхшиланиши бўлади.

Ушбу музокаралар олдидан “турли сабабларга кўра Украина, Россия, АҚШ, Европа ва Хитойнинг ўзи потенсиал равишда Пекиннинг воситачилигидан манфаатдор”.

Журналистнинг қайд этишича, Қўшма Штатлар Пекиннинг воситачилик саъй-ҳаракатларига тўсқинлик қилмасликка қарор қилган ва ХХР етакчисининг Россияга нисбатан “ўзига хос таъсир кучи” борлигини ва Ғарбнинг Киевга ёрдам етказиб бериш бўйича консенсуси барбод бўлиши мумкинлигини тушуниб, уларга туртки бермоқчи.

“Фақат Си Путинга омма олдида илиқ қўл сиқиш ва ёлғиз қолганда қўлни қайиришни таклиф қилиши мумкин. Қайсидир нуқтада Хитой раҳбари айнан шу нарса ўз мамлакати манфаатларига мос келади, деб қарор қилиши мумкин”, — деб ёзади Раҳмон.

FТ журналистининг фикрича, Украинадаги урушнинг чўзилиши дунё давлатларининг Россияга қарши иттифоққа бирлашишига олиб келади, бу иттифоқ Хитойга қарши ҳам йўналтирилиши мумкин. Вазиятни ҳал қилишда муҳим рол Хитойга Европа давлатлари билан муносабатларни яхшилашга имкон беради.